《沒有退路的職業》

職業本來無分高與低,人工既區分係出於專業的程度。生活係香港,成日聽到機會總係源源不絕,因為香港人既接受能力好高,我地唔會睇唔起生意失敗既老闆、行業式微被逼失業既專業人士,重頭開始從來都唔係需要覺得羞恥既事。

然而,仲有部分職業自以為戴上左無上既光環,為所欲為都唔會得到任何制裁,咁就當然要趁機感受一下放肆既滋味啦!雖然有好多公司有類似情況,晚晚開公數食貴價晚飯開私人派對,放左工罰坐留到夜一夜呃加班費呃津貼,玩多過做,但只要唔影響公眾,呢個只係公司內部管理不善問題,外人難以批評。唔能夠同穿上制服打著保護市民旗號既人員比較,佢地一旦有唔克制既行為,唔可以講係內部問題內部解決,係要公平公開地接受公開問責,工作上可以有特權,道德上不能有特權。一次半次既小錯,市民可以體諒,但繼續無間斷既傷害,信任會被完全踐踏,仇視既情緒更加無餘地減退。

係社會上成為左犯眾憎既職業時,係自封其路。即使香港人適應力如何高超,有些底線總不能逾越,有些傷害總不能原諒。

想轉行?落筆寫CV時發覺好有難度吧!究竟一直以黎訓練有素既skillset有邊方面可以適用係普遍既職場行業上,語文能力OK嗎? 語言能力OK嗎? (有別於前者,意思是動口不動手做得到嗎?) 能與其他部門同事善於溝通嗎?時間管理上無問題嗎?問完自己都要er…er…幾秒先答得到,又點俾到足夠信心公司既老闆,去相信你短時間內改變到工作上習慣左既手勢呢。

除非願意砍掉重練,明知搵唔返現有既人工,都忍痛係傷口未到潰爛不堪時去補救,等時間癒合,失去的就能慢慢找回來,重新聽到內心真誠既說話。可惜大部分人相信已走不出死胡同,唯有趁住非常時期「爭取」 (腦袋唔知點解不停飄出「搜刮」呢個詞語,太詞窮了) 更多所謂的補償,因為佢地根本睇唔到未來係點。整個團隊係工作上完全失去左個人既意識,不分對錯,愈被唾罵愈情緒高漲,照一照鏡子睇睇無想像過自己會出現猙獰既樣子,應該多多少少會感受到點解得唔到尊重了。

由一開始,除下制服既一刻,你什麼都不是; 到最後,除下制服既一刻,你依然都只是你。所以,請做過到得自己良心的事,唔好等法律黎審判你,對與錯,其實你心裡有個底的。