《失落工作日,HR要識轉彎》

加倍地緊張檢查手機訊息,追看網上即時既直播片段係大家最近日常吧,工作上無心戀戰,擔心返工放工會遇到唔安全既情況。

由今年8月開始,陸陸續續有公司既HR向全體同事發信,提及到如返工當日收到有唔穩定既交通消息,同事可以自行決定返公司或者留係家中工作。最後總會有句溫馨提示,就係最重要確保安全。係大家心情極度郁悶下,公司能帶頭給予多一點體諒,最後係會得到員工既回饋。

HR唔係安坐係座位上應付paper work,處理大量電郵、電話和interview,跟足standard去搞routine既活動咁簡單。作為員工和管理層之間既一道橋,其實係要對無論天氣、交通、時局都要有足夠既敏感度,只要有影響公司運作既任何事都要識得及時俾advise,fit到同事和公司既需要。

但係好可惜,愈大規模既公司作風就愈保守,甚至會因為同事對立既政治立場,係無出過warning下濫權無理解僱員工,完全妄顧左同事一直既服務表現,妄顧左將會嚴重被破壞既士氣,妄顧左公眾對公司一貫既印象。口説保持中立,但身體卻非常誠實,骨子裡係想徹底要求同事做無靈魂既上班機器,自私地將勇於表達自己意見既員工一一剔除,怕被標籤卻不停標籤員工。不愛惜員工,退步求自我安穩既公司,不用多說,已失去值得守護既價値。

HR沒有最終話事權,但仲有企硬既餘地。若果要無理解僱,要我地親手奉上大信封俾無重大過犯既同事,小熊絕不服從!唔能夠每隻case拎到special approval就大晒的,我地唔理會背後係咪有隱形、非常精密既大佬。係有無限多程序和階級式既公營機構,而家呢個時勢可能反而成為左好處,我相信仲未可以直接by pass晒所有部門,想炒邊個就炒邊個,我地仲可以把一把關。收到柯打唔係唔做,不過萬大事查清楚先,我地要奉行公司最唔想收到設訴既理念。

就咁既,er…我地HR暫時手頭上無資料,無證據提供,麻煩你搵搵即將被炒既同事黎填張form先,我地再幫手調查及跟進吧!

失落既時光中,更容易浮出黑暗既一面,HR可以閉起雙眼選擇做幫兇,或者用盡辦法守住底線,由員工守護番員工。