《靠譜既聰明人》

「點解既?點解既?」係由出世以黎人性自發既好奇心,明明只想了解世上每樣新鮮事,可惜每事窮追不捨地問只會令長輩反晒白眼,劈頭一句「唔好再問啦!煩死人!」,真正無辜辜好奇殺死貓。就係因為小時未有能力尋找到其他方法去解答難題,但一直被壓抑,漸漸就連問既意慾都減退。

 

直到離開學校,唔再係所有資訊和知識都有人主動塞入你腦袋,突然有一陣好強烈既空虛感。係職場更加係非常習慣地唔發問,理由有好多,「以為」會船到橋頭自然直,害怕俾人知道自己唔識,又或者係出於禮貌唔想麻煩到其他人。但如果咁就止步,問題始終無法解決,扮傻等其他人忍唔住出手,咁下次呢?

 

呢個絕對係好多打工仔既煩擾,公司係咪就完全容不下「無知」既工作文化呢?

 

高汁靠譜先真正得到認同

俾份牛工折磨得耐,大家都會借故偷工減料,之不過貫徹始終扮傻好快會見到終點,見人多過你食米既老闆挑通眼眉邊類人係唔可以長留係公司「呃飯食」,要學既唔係投機取巧,而係要有高汁既被靠譜能力。老闆需要你,自然唔會捨得俾你走。

 

有些人本身有著小聰明,總會它忽發奇想諗到有新意既諗法,為團隊帶黎特別既建議,但總係改唔到係平常既routine工作中出現重覆既小錯誤,data輸入混亂,文件有template跟足都打錯字句,講到尾就係唔夠細心,務求準時放工,做完根本唔願意花時間double check,除左令上司加重工作量,即使間唔中耍小聰明其實都不及彌補令人煩厭既小錯誤。

 

而一些小事一樣認真做既人,一開始時可能好多同事都會稍微無耐性地覺得佢地工作較慢,事事都過於仔細去覆核,就連列印完都要先整整齊齊將每頁紙對好存檔。然而佢地既穩妥態度,係希望自己出錯機會減到最低,不知不覺賺取到同事既信任。

 

當身邊既人都認同工作態度,當你有困難時係更輕鬆得到佢既協助去解決問題,而自以為有小聰明既,人地就安坐係座位翹埋雙手睇你表演架啦。

 

保持競爭力係要持之以恆,人人都會偷工減料,但係重要既內容上一定唔可以偷懶,要夠心思細膩,上司先會將有得發揮,或者係唔可以出大錯既project放心交低俾你做。

 

永遠say yes不如一次坦誠

正如見工時,唔少人永遠都係say yes,問一下以前既project同其他人如何合作過程係點,所有feedback都係有讚無彈。反而HR會擔心第一你係咪真正了解自己,第二係say yes背後你的確係信心十足完美地完成,定係敷衍對話唔希望我地知道內裡遇到任何小麻煩?

 

在座都係有歷練既人,又點會暪得過佢地呢?反而坦誠講講你遇到有不愉快,困擾時採取咩方法去處理會黎得真實,唔知面試官buy唔buy你行動既方法,但至少佢知道如果你成為佢既下屬既話,佢唔需要擔心你只做表面功夫取悅佢,係會將實際情況和想出一套方法去問取佢既意見,一同去面對問題。

 

要學得聰明工作事半功倍,就先要打好底成為一個靠譜既人。