《見完工唔想等可以點》

主力做recruitment既小熊,周不時都收到candidates既call問interview完之後幾時有消息,係咪有無消息都會通知番之類既問題。係公營機構和私人公司既做法係大不同,講下我而家機構既做法,其實當candidates黎interview既時候我地都會有份note事前俾佢睇睇,講番一般佢俾我地既個人資料會點處理,promise番只係for 邊方面既用途,亦會寫明係interview完左之後如果幾耐無通知既話就可以assume係無被揀選,盡量一早就俾多啲清晰指引個candidates,不過好多時人地黎in已經鬼咁緊張,仲邊會對之後既事咁上心呢。

有啲人好心急既,一走人就立即send個email黎多謝所有見佢既boss,幫過手既hr云云,出盡花言巧語,甚至會講下頭先邊part答得唔係咁好,望多多見諒咁話。真係唔建議做呢啲多餘野,一來我地花時間睇你呢個email唔知覆唔覆好,二來呢啲說話係咪應該係interview完結之前就講呢?而家再講都唔會改變到結果,只會帶到煩擾既感覺俾人。

而私人公司呢?你做得太多可能印象會立即變差,覺得你咁只係無自信既表現。如果係小規模既公司,應該會直接ignore左呢個email,因為佢地無咩既定既情序跟進,一個hr部門可能得兩至三人,內容又唔係希望佢地答到你啲咩正規問題,就無謂加重人地工作量。

大概過左一星期,想知有無消息,不如就光明正大打個電話或者簡單send個email禮貌地問。自己都係打工仔,好明白個個candidates都心急想知道有無結果,隨時影響佢揀offer既選擇或者有其他planning既。所以打得黎問我都一定會答佢究竟個呢個post仲process緊定係已經完結左,等人地心裡都有個底嘛。不過假設問完個hr都依依哦哦答唔到你呢,就唔好逼迫人,先當住唔得啦。中間可能有好多事佢唔方便透露,可能老闆諗緊將你放唔放落waitlist好,又或者有唔同既team head爭緊你未傾店數等等,所以佢唔可以確切同到你講而家去到咩status,呢個時候可以試下被動變主動,講聲補個email,希望有消息可以回覆番你咁樣既。

我諗近呢幾年,多左大公司會主動send email俾candidates講今次佢係咪落入waitlist或者無被揀選既情況,一來自己有個record track到個process去到邊,二來令candidates對公司印象好啲,多謝佢黎參與interview,亦唔會好似擺款咁要人無了期咁等消息。呢個方法未必岩放係要成日做recruitment day既hr,因為人數太多了,所以事先聲明左過幾多星期無通知就等於落選係要好重點提醒candidates先得。希望少啲人再誤會hr高高在上擺姿態既形象,行多兩步俾candidates知道大家係fair,會互相尊重。風水輪流轉,點知將來有無機會合作,對hr或者candidates既態度都係好重要既fill空缺或者係搵工指標。