《你黎定唔黎架?》

每次面試前 ,會有定心理準備黎面試果位可能no show ,將心比己,如果你有更好機會,放棄眼前既係人之常情,只不過係任何情況下應該做個有「交帶」既人。

「喂,王生,你好,我地約左係五點鐘面試,請問你黎到未?」「哦,係呀,我搵到工啦!」就掛左線 ,睇黎又要再安排過。

第二日,王生打番電話俾我,「啊!李小姐,我地咪之前約左見工架,昨日有少少事黎不到,幾時可以再同我做番個面試?」

咦! 無公司想揀一個你想點就跟你點既人做員工。我只有官腔式打發佢:「唔好意思,我地已經手頭上已經有人選啦。」

你揀人,人揀你,機會唔係罐頭,平時買定番黎收埋係一邊,等肚餓要食自己既時候先開黎食。