《CV上既自拍照》

不嬲影證件相，特別係做文職既，都有一套潛標準—女既穿著整齊套裝，男既穿著熨得筆直既恤衫西褲打呔，呢個第一印象一定係最容易為自己取分！

不過新式既證件相已經屢見不鮮，有次scan CV時睇到有位九十後既女生係申請表上貼上一幅著透視裝，露bar帶既螢光小背心，加上化左smoky eyes既高抄自拍照。wow，咁突出，即刻拎上手睇清睇楚！

好奇心驅使下，又睇睇佢其他證書上既相片係咪一樣咁出眾，原來讀書時候係鄉村小妹既打扮，幾年時間就完全變左另一個新look。

就算係PS過張相片又好，或者係佢本人重新轉造型都好，搵工時盡量將平時最自信既潮look先收起，諗清楚公司對衣著既要求。

著得斯文得體唔代表老土，亦唔會掩蓋左你真正既性格愛好，只係代表你識得尊重場合，係成功搵到工既入門規矩黎架。